Talaado, June, 26, 2018– Guddoomiyaha golaha shacabka Mudane Maxamed Mursal Sheekh C/raxmaan ayaa maanta booqday Xarunta Baarlamaanka Jabuuti iyo dekeda weyn ee Magaalada Jabuuti.

Koormeerka guddoomiyaha waxa ku wehlinaayay guddoomiyaha baarlamaanka Jabuuti iyo masuuliyiin ka tirsan dowladda Jabuuti.

Guddoomiyaha iyo wafdigiisa ayaa xarunta baarlamaanka Jabuuti kulan kula yeeshay guddoomiyaha iyo Xildhibaanada baarlamaanka Jabuuti.

Kulanka ayaa ahaa mid lagu xoojinaayay xiriirka walaaltinimo ee ka dhaxeeya labada dowladood iyo labada baarlamaan.

Wafdiga guddoomiyaha golaha shacabka Mudane Maxamed Mursal waxa ka mid ah Xildhibaano, Xoghayaha guud ee golaha shacabka Mudane C/kariin Xaaji Cabdi “Buux” iyo howl wadeeno ka tirsan golaha.