Ugu yaraan 84 ruux oo qaarkood caruur yihiin ayaa dhintay kaddib markii gaari xamuul ah la jiir siiyay dad u dabaaldegayay munaasabadda Maalinta Bastille.

Madaxweynaha Faransiiska, Francois Hollande, ayaa sheegay in aan sinaba loo diidi karin in dhacdadani ay ahayd weerar argagixiso.

Rai’sal wasaaraha Faransiiska Manuel Valls ayaa ku dhawaqay saddex maalmood oo aas qaran ah oo Sabtida ka bilaabanaysa.

Image copyrightGETTY

Dacwad oogaha Nice, Jean-Michel Pretre, ayaa sheegay in gaariga uu xawaaro dheer dadka ku dhexmarayay masaafo laba kiilo mitir ah, ka hor inta aanay boolisku toogasho ku dilin darawalkii waday.

Dadkii goob joogeyaasha ahaa waxay sheegeen in darawalka gaarigu oo kolba dhan u weecinayay si geeridu u badato.

Gudaha gaariga waxaa laga dhex helay hub iyo bambooyin.